Suriya yeni viza tariflərini açıqladı – Ölkələr qruplara bölündü
Suriyanın yeni hökuməti ölkəyə giriş üçün tələb olunan viza rüsumları barədə qərar qəbul edib.
Crossmedia.az xarici KİV-ə istinadən xəbər verir ki, qərara əsasən, ölkələr bir neçə qrupa bölünüb:
Birinci qrupa daxil olan İordaniya, Malayziya, Livan və Mavritaniya vətəndaşları viza haqqı ödəməkdən azad edilib.
Türkiyənin də daxil olduğu ikinci qrup ölkələrinin (Qətər, Küveyt, Səudiyyə Ərəbistanı) vətəndaşlarından isə $150 tələb ediləcək.
Azərbaycana 3-cü qrupda yer verilib. Braziliya, Peru, Monteneqro, Çin, Mərakeş, Anqola, Pakistan və s. ölkə vətəndaşları viza üçün $40 ödəməli olacaqlar.
Ermənistana 4-cü qrupda ($75), Gürcüstana 5-ci ($125), Misirə 6-cı ($150), Əfqanıstan və Böyük Britaniyaya 7-ci ($250), ABŞ-yə 8-ci ($300) qrupda yer verilib.
18:09 21.02.2025
Oxunuş sayı: 9600
