Sergey Lavrov CAR Prezidenti ilə bu məsələləri müzakirə edib
Rusiyanın xarici işlər naziri Sergey Lavrov Cənubi Afrika Prezidenti Siril Ramafosa ilə ölkələrin çoxşaxəli tərəfdaşlığını və Ər-Riyadda keçirilən Rusiya-ABŞ danışıqlarını müzakirə edib.
Crossmedia.az xarici mətbuata istinadla xəbər verir ki, bu barədə Rusiya Xarici İşlər Nazirliyi məlumat yayıb.
"Söhbət zamanı Rusiya-Cənubi Afrika çoxşaxəli tərəfdaşlığının əsas istiqamətləri, o cümlədən siyasi, iqtisadi, investisiya, elmi və texniki sahələrdə əməkdaşlığın inkişafı məsələləri müzakirə olunub. Bu, Rusiya və Cənubi Afrika prezidentlərinin razılaşmalarına uyğun olaraq həyata keçirilir”, – deyə açıqlamada bildirilib.
Qeyd edək ki, Lavrov Ramafosaya fevralın 18-də Ər-Riyadda keçirilən Rusiya-ABŞ danışıqları barədə məlumat verib.
Nəzrin Salmanova
16:13 21.02.2025
Oxunuş sayı: 8816
