ABŞ-də təyyarələr havada toqquşub: Ölənlər var
ABŞ-nin Arizona ştatının Marana Regional Hava Limanı yaxınlığında baş verən təyyarə toqquşması nəticəsində 2 nəfər həyatını itirib.
Crossmedia.az xarici KİV-ə istinadən xəbər verir ki, Cessna 172S və Lancair 360 MK II təyyarələrinin havada toqquşması ilə baş verib.
ABŞ Milli Nəqliyyat Təhlükəsizliyi Şurası (NTSB) hadisə ilə bağlı araşdırma aparır.
Xatırladaq ki, Marana polisi hadisənin baş verdiyini təsdiqləyərək, həyatını itirən şəxslərin adlarının hələlik açıqlanmadığını bildirib. Hava limanı ərazisində təhlükəsizlik tədbirləri gücləndirilib.
Qeyd edək ki, NTSB və Federal Aviasiya İdarəsi (FAA) hadisənin səbəblərini araşdırmağa davam edir.
Təşkilatlar hadisənin təfərrüatları barədə əlavə məlumat verəcəyini bildirib.
22:29 20.02.2025
Oxunuş sayı: 8646
