Almaniyada məscidlər daş-qalaq edilib
Almaniyada Diyanət İşləri üzrə Türk-İslam Birliyinə (DİTİB) bağlı məscidlər hücuma məruz qalıb.
Crossmedia.az xarici KİV-ə istinadən xəbər verir ki, Şimali Reyn-Vestfaliya əyalətinin Wickede şəhərindəki DİTİB Anadolu məscidi naməlum şəxslər tərəfindən daş-qalaq edilib, nəticədə məscidin giriş qapısı zədələnib.
Fevralın 15-də isə Hessen əyalətinin Sulzbach qəsəbəsindəki DİTİB məscidinin çöl divarlarına irqçi və ifrat sağçı şüarlar, svastikalar çəkilib.
Hər iki hadisə ilə bağlı polisə məlumat verilib.
DİTİB açıqlamasında bu hücumların müsəlmanlara qarşı nifrət və zorakılığın göstəricisi olduğunu bildirib və cəmiyyətin bu cür hərəkətlərə qarşı açıq mövqe sərgiləməsinin vacibliyini vurğulayıb.
20:16 20.02.2025
Oxunuş sayı: 8571
