Röyter: Sadələşdirilmiş razılaşma ABŞ-yə bir neçə maneələrini aşmağa imkan verəcək
ABŞ Prezidenti Donald Trampın administrasiyası sülh danışıqlarından əvvəl Ukrayna ilə faydalı qazıntılar üzrə anlaşmaya nail olmaq istəyir.
Crossmedia.az Röyter agentliyinə istinadla xəbər verir ki, Vaşinqton məsələ ilə bağlı sadələşdirilmiş bir razılaşma bağlaya bilər.
Bildirək ki, keçən həftə Ukrayna Prezidenti Volodimir Zelenski Vaşinqtonun ilkin təklifini rədd edib.
Agentliyin mənbələrinin izahına görə, bu hadisə tam hüquqlu bir razılaşmaya nail olmağın vaxt tələb edəcəyini göstərir.
“ ABŞ Prezidenti Donald Tramp Vaşinqtonun Ukrayna ilə Rusiya arasında 3 illik müharibəni bitirmək üçün rəsmi sülh danışıqlarına vasitəçilik etməsindən əvvəl Ukrayna ilə razılaşmaya nail olmaq istəyir. Ağ Ev razılaşmanın yaxın həftələrdə əldə olunmasına ümid edir. Qeyd edək ki, bu cür razılaşmalar üçün bu çox qısa müddətdir. Sadələşdirilmiş razılaşma ABŞ-yə bir neçə hüquqi və logistika maneələrini aşmağa imkan verəcək. Bu da həmçinin, Vaşinqtona yataqların işlənməsi, o cümlədən mənfəətin bölüşdürülməsi ilə bağlı detalları razılaşdırmaq üçün vaxt qazandıracaq”,- deyə məlumatda bildirilib.
Nəzrin Salmanova
14:00 20.02.2025
Oxunuş sayı: 29169
