Si Cinpin ABŞ-a gələ bilər - Tramp açıqladı
ABŞ Prezidenti Donald Tramp bildirib ki, Çin sədri Si Cinpin yeni ticarət sazişi üçün ABŞ-a gələ bilər. Bu barədə Tramp Fox News telekanalına açıqlama verib.
Crossmedia.az bu barədə xarici kiv-ə istinadən xəbər verir.
“Mənim prezident Si ilə çox yaxşı münasibətlərim var. Amma unutmayın: o, Çini sevir, mən isə ABŞ-ı. Belə ki, burada bir az rəqabət var, amma prezident Si ilə münasibətlərim, deyərdim ki, əladır. Aydındır ki, COVID-in gəlməsi onlara da, bizə də, bütün dünya ya zərər vurdu”, – deyə Tramp qeyd edib.
O, eyni zamanda, Pekinə qarşı tətbiq edilən rüsumlar və Çinin cavab tədbirlərinə baxmayaraq, iki ölkə arasında yeni bir ticarət sazişinin bağlanmasını mümkün hesab etdiyini vurğulayıb.
ABŞ lideri, həmçinin, yaxın vaxtlarda Fransanın Prezidenti Emmanuel Makron və Britaniyanın Baş naziri Kir Starmerin Vaşinqtona səfər edəcəklərini bildirib.
09:47 20.02.2025
Oxunuş sayı: 2634
