Xarici xəbərlər
Pakistanda dəhşətli qətliam: Silahlılar 7 sərnişini güllələdi!
Pakistanın Bəlucistan əyalətində silahlı şəxslər sərnişin avtobusunda olan 7 nəfəri güllələyiblər.
Crossmedia.az xarici KİV-ə istinadən xəbər verir ki, 11 nəfərdən ibarət silahlı qrup Pakistanın Barxan rayonunda magistral yolda avtobusu saxlayıb.
Hücumçular sərnişinlərin şəxsiyyət vəsiqələrini yoxladıqdan sonra 7 nəfəri avtobusdan düşürərək güllələyiblər. Hadisədən sonra silahlılar bölgədən qaçıblar. Əraziyə polislər cəlb olunub.
Qeyd edək ki, avtobus Bəlucistan əyalətinin paytaxtı Kvettadan Pəncab əyalətinin Faisalabad şəhərinə gedirdi.
Gülbəniz Səfərova
04:32 20.02.2025
Oxunuş sayı: 7992
