HƏMAS İsrailə girovların cəsədlərini təhvil verəcək
HƏMAS fevralın 20-də Qəzza zolağında öldürülən girovların, o cümlədən Bibas ailəsinin üzvlərinin cəsədlərini İsrail tərəfinə təhvil verəcək.
Crossmedia.az xəbər verir ki, müvafiq bəyanatı HƏMAS-ın hərbi qanadı İzzəddin əl-Qəssam Briqadalarının nümayəndəsi Əbu Ubeydə yayıb.
“İsraillə mübadilə müqaviləsinin bir hissəsi olaraq, Bibas ailə üzvlərinin və Oded Lifşitzin cəsədini cümə axşamı təhvil verəcəyik. Bu şəxslərin hamısı İsrailin Qəzzanı bombalaması nəticəsində həlak olub.”, - Əbu Ubeydə “Telegram” kanalında yazıb
Qeyd edək ki, Kfir Bibas 7 oktyabr 2023-cü ildə HƏMAS üzvləri tərəfindən girov götürüləndə doqquz aylıq, qardaşı Ariel isə dörd yaşında olub.
22:58 19.02.2025
Oxunuş sayı: 7815
