Tramp: Ukrayna müharibəyə görə məsuliyyət daşıyır!
ABŞ prezidenti Donald Tramp, Floridadakı Mar-a-Laqo malikanəsində çıxışı zamanı Ukraynanı Rusiya ilə müharibəyə görə günahlandırıb.
Crossmedia.az xarici BBC-yə istinadən xəbər verir ki, o, Ukrayna prezidenti Vlodimir Zelenskinin populyarlığına şübhə ilə yanaşıb və Ukraynada hərbi vəziyyət səbəbilə seçkilərin keçirilmədiyini vurğulayıb.
Trampın bu ittihamları, ABŞ rəsmilərinin Səudiyyə Ərəbistanında Rusiya nümayəndə heyəti ilə münaqişənin dayandırılması üçün danışıqlar aparmasından bir neçə saat sonra səsləndirilib.
O, daha sonra Truth Social platformasında paylaşım edərək fikirlərini bir qədər də sərtləşdirib.
Ukrayna prezidenti Vlodimir Zelenski isə Trampın açıqlamalarına cavab verərək, onun Rusiyanın yaratdığı “dezinformasiya məkanında yaşadığını” bildirib.
BBC Verify Trampın iddialarını araşdırıb və onun bəzi fikirlərinin Rusiya tərəfinin yaydığı ritorika ilə üst-üstə düşdüyünü qeyd edib.
21:57 19.02.2025
Oxunuş sayı: 7650
