HƏMAS: İsrail atəşkəs razılaşmasının şərtlərinə əməl etmir!
HƏMAS-ın siyasi ofisinin rəhbəri doktor Xəlil əl-Həyyə bəyan edib ki, hərəkat atəşkəs razılaşmasının müddəalarını yerinə yetirməkdə ciddi olsa da, İsrail xüsusilə humanitar məsələlərdə öhdəliklərini yerinə yetirməkdən yayınır.
Crossmedia.az xarici KİV-ə istinadən xəbər verir ki, o, İsrailin razılaşma şərtlərinə tam əməl etməsinin vacibliyini vurğulayaraq, bombardman nəticəsində öldürülən əsirlərin cənazələrinin təhvil verilməsi müqabilində ağır texnikanın Qəzzaya girişinin təmin edilməli olduğunu bildirib.
HƏMAS Qəzza zolağından İsrail qüvvələrinin tam çıxarılması və əsirlərin hərtərəfli mübadiləsi ilə atəşkəsin başa çatdırılmasına hazır olduğunu elan edib.
Lakin təşkilatın məlumatına görə, İsrail Qəzzanın yenidən qurulması üçün zəruri avadanlıqların bölgəyə girişinə mane olur.
21:24 19.02.2025
Oxunuş sayı: 3685
