İsrail ordusu fələstinlilərin geri qayıtmasına mane oldu
İsrail ordusu Cenin Qaçqınlar Düşərgəsindən zorla çıxarılan minlərlə fələstinlinin evlərinə geri dönməsinin qarşısını alıb.
Crossmedia.az xarici mediaya istinadən xəbər verir ki, Fələstin Mülki İşlər İdarəsi müəyyən müddət üçün düşərgəyə giriş icazəsi verildiyini elan etsə də, İsrail əsgərləri geri qayıtmaq istəyən insanları zorla uzaqlaşdırıb.
Xatırladaq ki, Yanvarın 19-da Qəzzada atəşkəs qüvvəyə minsə də, İsrail ordusu İordan çayının qərb sahilində hücumları davam etdiriblər.
Cenin və Tulkerimdə 7 gün davam edən basqınların ardından İsrail qüvvələri geri çəkilsə də, hücumlar nəticəsində onlarla fələstinli həyatını itirib, minlərlə insan yaralanıb.
20:31 19.02.2025
Oxunuş sayı: 7506
