Tayvanda gərgin vəziyyət: Çin hərbi təyyarə və gəmilər göndərdi
Tayvan Müdafiə Nazirliyi Çinə məxsus 36 hərbi təyyarə və 7 döyüş gəmisinin ada ətrafında aşkar edildiyini bildirib.
Crossmedia.az xəbər verir ki, təyyarələrdən 33-ü Tayvan Boğazında "median xətti" keçərək adanın müxtəlif bölgələrində uçuşlar həyata keçirib.
Gün ərzində 20 əlavə təyyarə uçuşunun qeydə alındığını bildirən Nazirlik, bunlardan 15-nin yenidən "median xətti" keçdiyini açıqlayıb.
Tayvan ordusu vəziyyəti izləyərək müvafiq tədbirlər gördüyünü bəyan edib.
Qeyd edək ki, Pekin Tayvanı öz ərazisi hesab edir və hərbi güc tətbiqini istisna etmir. Bölgədə xarici donanmaların mövcudluğu isə Çin-Tayvan arasında gərginliyi daha da artırır.
19:32 19.02.2025
Oxunuş sayı: 6972
