Paşinyan xahiş etdi, Petrosyan səfirlərlə görüşə başladı
Ermənistanın birinci prezidenti Levon Ter-Petrosyan öz malikanəsində Rusiyanın Ermənistandakı fövqəladə və səlahiyyətli səfiri Sergey Kopırkinlə görüşüb. Görüş barədə məlumatı Ermənistan Milli Konqresinin (ANK) mətbuat katibi Arman Musinyan verib. Onun sözlərinə görə, bir saatdan çox davam edən söhbət zamanı erməni-rus münasibətləri, Ermənistanın daxili vəziyyəti və regional təhlükəsizlik məsələləri müzakirə edilib.
Crossmedia.az xarici kiv-ə istinadən xəbər verir.
Bundan bir neçə gün əvvəl Ter-Petrosyan Ermənistandakı İran səfiri Mehdi Sobhani ilə də görüş keçirib. Görüş zamanı İran diplomatı ilə bir yarım saatlıq müzakirə aparılıb. Ter-Petrosyan səfirin mətbuat konfransından məmnun qaldığını və onun məzmunlu çıxışına heyranlığını ifadə edib.
Məlumatlara görə, Levon Ter-Petrosyanın diplomatik sahədə aktivliyi Ermənistanın baş naziri Nikol Paşinyanın şəxsi xahişi ilə bağlıdır. Ermənistanın birinci prezidenti vasitəçiliyi ilə Paşinyan Moskva ilə münasibətləri tənzimləməyə çalışır.
Mənbələrin bildirdiyinə görə, Rusiya tərəfi Paşinyanın vəziyyətini stabilləşdirmək üçün iki əsas şərt irəli sürüb. Birinci, Ermənistan KTMT-dən çıxmaq məsələsini bağlamalı, məsələn, təşkilatdan onu narahat edən suallara cavab aldığını bəyan etməlidir. İkinci, Ermənistan dəmir yolu üzərində nəzarət məsələsində Rusiya ilə qarşılıqlı qəbul edilə bilən variantları müzakirə etməyə başlamalıdır.
10:19 19.02.2025
Oxunuş sayı: 6481
