Stef Qoris: Təşəbbüslərimiz Azərbaycan və Belçikanın diplomatik nümayəndəlikləri tərəfindən dəstəklənir
Azərbaycanın Brüsseldəki Səfirliyi Belçika-Azərbaycan Ticarət Palatasının – “Belgazercom” təşəbbüslərini fəal şəkildə dəstəkləyir. Bunu Palatanın təsisçisi və sədri Stef Qoris deyib.
O qeyd edib ki, Palata hər iki diplomatik nümayəndəlik - həm Azərbaycanın Belçikadakı, həm də Belçikanın Azərbaycandakı səfirlikləri ilə yaxşı əlaqələr qurub.
"Qeyd edim ki, səfir Vaqif Sadıxovla əla münasibətlərimiz var və Azərbaycanın Belçikadakı Səfirliyi təşəbbüsümüzü fəal şəkildə dəstəkləyir. Eyni şey Belçikanın Bakıdakı Səfirliyinə də aiddir, dünən bizim diplomatik missiyanın rəhbəri Julien de Frepon ilə görüşümüz olub", - Qoris deyib.
Onun sözlərinə görə, diplomatik nümayəndəliklərin dəstəyi Palatanın fəaliyyəti üçün son dərəcə vacibdir.
"Həm hökumətlərin, həm də səfirliklərin dəstəyini hiss etmək çox xoşdur. Bununla belə, bir daha qeyd etmək lazımdır ki, biz tamamilə neytral qurumuq. Təşkilatımız qeyri-kommersiya qurumudur, üzvlərimiz yalnız sahibkarlardan ibarətdir, nə siyasətçi, nə dövlət qulluqçusu, nə də administrasiyanın nümayəndələri sıralarımızda fəaliyyət göstərirlər və onlar bizə təsir etmirlər. Fəaliyyətimizi müstəqil əsasda qurmuşuq”, - o əlavə edib. (report)
08:34 19.02.2025
Oxunuş sayı: 2958
