Zelenskinin görüşdə iştirakını istəmədilər
Səudiyyə Ərəbistanının vəliəhd şahzadəsi Məhəmməd bin Salman Ər-Riyadda keçirilən görüşdə Ukrayna Prezidenti Volodimir Zelenskinin də təmsil olunmasını istəyib, lakin Vaşinqton və Moskva imtina edib.
Crossmedia.az xəbər verir ki, bu barədə "Bloomberg" Ər-Riyaddakı görüşün hazırlıqları ilə tanış olan mənbəyə istinadən yazıb.
Mənbə bildirib ki, Səudiyyə şahzadəsi Ukrayna prezidentini görüşün təşkilində krallığın rolu, habelə onun Rusiya və Amerika rəsmiləri ilə danışıqları barədə məlumatlandırmağı planlaşdırır.
Zelenski bu gün Ər-Riyaddakı Rusiya-Amerika görüşünün Kiyev üçün “sürpriz” olduğunu etiraf edib: “Biz bu məlumatı mediadan almışıq”. O xatırladıb ki, müharibəni dayandırmaq qərarı Ukraynasız qəbul edilə bilməz.
23:33 18.02.2025
Oxunuş sayı: 2077
