Xarici xəbərlər
Lavrovdan Ukrayna ilə bağlı AÇIQLAMA
"Ukrayna ilə bağlı danışıqlar aparacaq şəxslər müəyyənləşdikdən sonra proses başlayacaq".
Crossmedia.az xarici mediaya istinadən xəbər verir ki, bunu Rusiya Xarici İşlər Naziri Sergey Lavrov ABŞ və Rusiya nümayəndələrinin Ər-Riyadda görüşü zamanı deyib.
Lavrov həmçinin ABŞ-la milli maraqların həmişə üst-üstə düşmədiyini, lakin mümkün fikir ayrılıqlarının hərbi qarşıdurmaya çevrilməməsi üçün dialoqun vacib olduğunu bildirib. Görüş zamanı Rusiya və ABŞ səfirlərinin təyin edilməsi, iqtisadi məhdudiyyətlərin aradan qaldırılması və Ukraynadakı vəziyyət müzakirə olunub.
Lavrov Ukraynaya xarici qoşunların yerləşdirilməsini qəbuledilməz hesab etdiklərini vurğulayaraq, NATO-nun genişlənməsinin Rusiyanın maraqlarına təhdid olduğunu bir daha xatırladıb.
21:16 18.02.2025
Oxunuş sayı: 3033
