Türkiyə 73 ildir NATO-ya töhfə verməyə davam edir
Şimali Atlantika Müqaviləsi Təşkilatı (NATO) 76 il əvvəl Sovet İttifaqının yaratdığı təhlükəyə qarşı qurulub. Türkiyə 1952-ci ildə alyansa qoşulub və ötən 73 il ərzində NATO-nun ən çox töhfə verən üzvlərindən biri olub.
Crossmedia.az "TRT Haber"-ə istinadla bildirir ki, Türkiyə terrorizmlə mübarizədə və qlobal sülhün təmin edilməsində mühüm addımlar atıb. Xüsusilə Balkanlar, Orta Şərq və Qara dəniz bölgələrində NATO əməliyyatlarında fəal iştirak edib.
Bundan əlavə, Türkiyə müdafiə sənayesinin inkişafı və yerli istehsal hərbi texnikaları ilə alyansın müdafiə gücünü artırıb.
Xüsusilə pilotsuz uçuş aparatları (PUA), zirehli texnikalar və hava hücumundan müdafiə sistemləri NATO-nun müxtəlif əməliyyat və təlimlərində istifadə olunub.
Qeyd edək ki, hazırda Türkiyə NATO daxilində strateji mövqeyini qoruyur və alyansın kollektiv müdafiə prinsipinə uyğun olaraq öz öhdəliklərini yerinə yetirməyə davam edir.
Fidan Xəlilova
17:19 18.02.2025
Oxunuş sayı: 6973
