ABŞ dövlət katibi: “İndiyədək İranla danışıqlarla bağlı heç bir əlaqə qurulmayıb”
ABŞ dövlət katibi Marko Rubio CBS telekanalına müsahibəsində Vaşinqtonun İranın nüvə proqramına dair danışıqlarla bağlı Tehranla heç bir əlaqə qurmadığını bildirib.
Crossmedia.az xəbər verir ki, onun sözlərinə görə, İran keçmiş diplomatik səylərindən yalnız vaxt qazanmağa və uran ehtiyatını zənginləşdirməyə çalışır.
ABŞ-nin Tehranın nüvə proqramını yox etmək üçün İsrailin İrana qarşı qabaqlayıcı hücumunu dəstəkləməsi sualına cavab olaraq Rubio deyib: “İsrail hər zaman öz milli maraqları və təhlükəsizliyinin müdafiəsi üçün öz tədbirlərini görəcək, ona görə də bu və ya digər məsələ ilə bağlı onun strategiyaları barədə danışmayacağam”.
16:20 18.02.2025
Oxunuş sayı: 2163
