Cenində ölüm, dağıntı və müqavimət – Amuri ailəsi evlərini tərk etmir
İsrail ordusunun yanvarın 21-dən bəri hücum etdiyi Cenin Qaçqınlar Düşərgəsində fələstinli Amuri ailəsi partlayış və güllə səslərinə baxmayaraq evlərini tərk etmir.
Crossmedia.az xarici KİV-ə istinadən xəbər verir ki, yanvarın 19-da Qəzzada atəşkəs elan edildikdən sonra İsrail ordusu İordan çayının qərb sahilinin şimalında yerləşən Ceninə hücuma başlayıb. "Dəmir divar" əməliyyatı çərçivəsində Tulkerim və Tubas şəhərlərini də əhatə edən hücumlarda 55 fələstinli həyatını itirib, minlərlə insan yaralanıb, infrastruktur isə böyük ölçüdə məhv edilib.
Mühasirədə qalan Amuri ailəsinin üzvü Mahmud Amuri evlərini tərk etməkdən imtina etdiklərini bildirib: "Bu bizim evimizdir, hara gedə bilərik?" Onlar düşərgədəki digər fələstinlilərdən aldıqları ərzaq ehtiyatları ilə yaşayır və yalnız zəruri hallarda qısa müddətə çölə çıxa bilirlər.
Amuri ailəsi İsrail ordusunun buldozerlərlə evləri yerlə-yeksan etdiyini, su və internetin yalnız xüsusi icazə ilə əldə edildiyini bildirir. Mahmud Amuri 2002-ci ildə də Cenində evlərini itirdiklərini, lakin onu yenidən inşa etdiklərini vurğulayaraq, bu dəfə də geri çəkilməyəcəklərini deyib.
14:30 18.02.2025
Oxunuş sayı: 5873
