Yaponiya nüvə qadağası konfransına qatılmır – Səbəb nədir?
Yaponiya mart ayında Nyu-Yorkda keçiriləcək Nüvə silahlarının qadağan edilməsi haqqında müqavilənin iştirakçılarının üçüncü konfransında müşahidəçi qismində iştirak etməyəcək.
Crossmedia.az Yaponiya KİV-ə istinadən xəbər verir ki, bu barədə ölkənin xarici işlər naziri Takesi İvaya bu gün mətbuat konfransında bildirib.
Onun sözlərinə görə, buna səbəb "nüvə silahına malik olan dövlətləri cəlb etmədən nüvə silahsızlaşdırılmasını irəli aparmağın çətin olacağı ilə bağlıdır". O, həmçinin Nüvə silahlarının yayılmaması haqqında müqavilə çərçivəsində nüvə silahsızlaşdırılması istiqamətində səylərə diqqət yetirməyə çağırıb.
Nazir vurğulayıb ki, konfransda müşahidəçi qismində iştirak Nüvə silahlarının ləğv edilməsi haqqında müqavilə çərçivəsində göstərilən səylərin geniş şəkildə dəstəklənməsini çətinləşdirə bilər və nüvə silahsızlaşdırılmasına töhfə baxımından arzuolunmaz olacaq.
14:16 18.02.2025
Oxunuş sayı: 2337
