Zelenski: Rusiya və ABŞ ilə danışıqlara qatılmayacağıq!
Ukrayna Prezidenti Vladimir Zelenski, Rusiya və ABŞ nümayəndə heyətləri arasında Səudiyyə Ərəbistanında keçiriləcək görüşdə iştirak etməyəcəklərini və görüşün nəticələrini qəbul etməyəcəklərini açıqlayıb.
Crossmedia.az xarici KİV-ə istinadən verdiyi xəbərə görə, Zelenski bildirib ki, Ukrayna olmadan aparılan danışıqlar nəticəsizdir və heç bir razılaşmanı tanımayacaqlarını vurğulayıb.
Zelenski bu barədə Birləşmiş Ərəb Əmirliklərində ukraynalı jurnalistlərə verdiyi açıqlamada qeyd edib: "Ukrayna hesab edir ki, Ukrayna ilə bağlı və Ukraynasız istənilən danışıqlar nəticəsizdir. Biz olmadan bizimlə bağlı heç bir şeyi qəbul etməyəcəyik".
Xatırladaq ki, ABŞ prezidenti Donald Trampla Rusiya prezidenti Vladimir Putin arasında baş tutan telefon danışığından dərhal sonra Ukrayna müharibəsini bitirmək məqsədilə danışıqların başlanacağı bildirilmişdi.
Gülbəniz Səfərova
23:58 17.02.2025
Oxunuş sayı: 3624
