İsrail ordusu Livandan çıxacaq, ancaq bir ŞƏRTLƏ...
İsrail ilə Livan arasında 27 noyabr 2024-cü ildə imzalanan atəşkəs razılaşması çərçivəsində, Təl-Əvivin sabah Livanın cənubundan çəkiləcəyi gözlənilir. Lakin İsrail ordusu 5 strateji məntəqədən çıxmayacağını bəyan edib.
Crossmedia.az xarici mediaya istinadən xəbər verir ki, İsrail ordusunun açıqlamasına görə, qoşunlar Labbune, Şlomit, Avivim, Malkia, Marqaliot və Metula ilə üzbəüz yerləşən beş yüksəklikdə mövqelərini qoruyacaq.
Sərhəd kəndlərindən tam çıxış elan edildi
İsrail ordusu sabah yerli vaxtla saat 10:00-a qədər sərhəd kəndlərindən və qəsəbələrindən tamamilə çəkiləcəyini açıqlayıb. Lakin ordunun bəyanatında bildirilib ki, atəşkəsi pozan hər hansı təhdid dərhal cavablandırılacaq və bu barədə ABŞ-ın rəhbərlik etdiyi komitəyə məlumat veriləcək.
İsrail həmçinin Livan ordusunun hərəkətə keçmədiyi halda, ABŞ ilə koordinasiyalı şəkildə müdaxilə edəcəyini bildirib.
Bu açıqlamalar fonunda İsrail və Livan arasında gərginliyin tam sona çatıb-çatmayacağı sual altındadır.
Aybəniz Səfərova
22:30 17.02.2025
Oxunuş sayı: 7892
