İsrail Livandan çıxmır – Hizbullahdan XƏBƏRDARLIQ
Beyrut – İsrail, Hizbullah ilə imzaladığı atəşkəs razılaşmasına baxmayaraq, 18 fevral tarixinə qədər Livandan tamamilə çəkilməyəcəyini açıqlayıb.
Crossmedia.az xarici KİV-ə istinadən verdiyi xəbərə görə, İsrail ordusunun sözçüsü bildirib ki, sərhədə yaxın beş strateji məntəqədə əsgərlərin qalması zəruridir və proses başa çatdıqdan sonra bu bölgələr Livan ordusuna təhvil veriləcək.
Livan prezidenti Cozef Aun isə bu qərarı qəbul etməyəcəyini vurğulayaraq, "Livan torpaqlarında bir nəfər də olsun israilli qalmasını qəbul etməyəcəyəm" deyib. Prezidentin ofisi İsrailin razılaşmaya əməl etməsi üçün diplomatik təzyiqlərin artdığını bildirib.
Hizbullah isə fevralın 18-dən sonra Livanda qalan bütün İsrail əsgərlərini işğalçı qüvvə sayacağını bəyan edib.
İsrail HƏMAS komandirini öldürüb.
Digər tərəfdən, İsrail ordusu Livanın Sidon şəhərində HƏMAS-ın hərbi əməliyyatlar rəhbəri Məhəmməd Şahinin pilotsuz təyyarə hücumu ilə öldürüldüyünü açıqlayıb. HƏMAS bu məlumatı təsdiqləyərək, Şahinin Livandakı əməliyyatlarının İran tərəfindən dəstəkləndiyini bildirib.
Atəşkəs razılaşmasının taleyi sual altına düşdüyü bir vaxtda, İsrail və Livan arasındakı gərginlik artmaqdadır.
22:18 17.02.2025
Oxunuş sayı: 4223
