İran XİN rəhbəri Maskatda “Ənsarullah” nümayəndəsi ilə görüşüb
İranın xarici işlər naziri Abbas Əraqçı bu gün Omanın paytaxtı Maskatda Yəməndəki husilərin siyasi qanadı olan "Ənsarullah" hərəkatının yüksək rütbəli nümayəndəsi Məhəmməd Əbdülsalam ilə görüş keçirib.
Crossmedia.az xarici KİV-ə istinadən xəbər verir ki, görüş zamanı Abbas Əraqçı husilərin Fələstin xalqına verdiyi dəstəyin mühüm rol oynadığını vurğulayıb. O, bildirib ki, husilərin həmrəyliyi İsrail-Fələstin münaqişəsində Fələstin xalqının qələbəsinə və "sionist rejimə" qarşı atəşkəs elan edilməsinə təsir edib.
Məhəmməd Əbdülsalam isə görüş zamanı qeyd edib ki, "Ənsarullah" bölgədə baş verən prosesləri və atəşkəs razılaşmasının icrasını diqqətlə izləyir. O, həmçinin əlavə edib ki, hərəkat "təcavüzkarların" istənilən addımına cavab verməyə tam hazırdır.
Görüşün detalları və mümkün nəticələri barədə əlavə məlumat verilməyib.
20:08 17.02.2025
Oxunuş sayı: 3350
