Türkiyə GÖKSUR hava hücumundan müdafiə sistemini sınaqdan keçirdi
Türkiyənin dənizdə "Polad Günbəz" çoxqatlı hava hücumundan müdafiə sisteminin ən vacib elementlərindən biri olan ASELSAN şirkətinin yaxın mənzilli zenit-raket kompleksi GÖKSUR-un ilk sınaq buraxılışı uğurla başa çatıb,
Crossmedia.az xəbər verir ki, bu barədə ASELSAN sosial şəbəkə X-də məlumat verib.
Məlumata görə, Sinop sahillərində TCG BEYKOZ gəmisindən GÖKSUR yaxın mənzilli raket sisteminin uğurlu atış sınaqları həyata keçirilib. Bu sistem hava hücumundan müdafiə dəniz platformalarının ehtiyaclarına uyğun şəkildə modernləşdirilmiş və TÜBİTAK-SAGE tərəfindən hazırlanmış BOZDOĞAN-DH raketindən istifadə edir. Raket 15 km məsafədə hədəfi məhv etmə qabiliyyətinə malikdir.
17:59 17.02.2025
Oxunuş sayı: 6335
