Əhməd-Rza Purdəstan: "Trampın təhdidlərinin real təsiri yoxdur"
"ABŞ Prezidenti Donald Trampın İrana qarşı təhdidləri heç bir nəticə verməyəcək".
Crossmedia.az xarici mediaya istinadən xəbər verir ki, bunu İran İslam Respublikasının Ordusunun Strateji Tədqiqatlar və Araşdırmalar Mərkəzinin rəhbəri Əhməd-Rza Purdəstan bildirib.
"Trampın təhdidlərinin real təsiri yoxdur və onlar həyata keçirilməyəcək. İranın silahlı qüvvələri tam ayıqlıq vəziyyətindədir və düşməni diqqətlə izləyərək lazımi müdafiə tədbirləri görür," – deyə generalın sözlərini İran Müdafiə Nazirliyi sitat gətirib.
Onun sözlərinə görə, "Birləşmiş Ştatlar hazırda zəifləmə dövrünü yaşayır, çünki çoxsaylı problemlərlə üzləşir və hətta Kanada kimi müttəfiqləri və qonşuları ilə də münaqişə yaşayır." Purdəstan əlavə edib ki, "yeni ABŞ prezidenti hətta öz müddətini başa vurmaqda çətinlik çəkə bilər," çünki "ABŞ-ın milli borcu həddindən artıq böyükdür."
16:21 17.02.2025
Oxunuş sayı: 6499
