Türkiyənin 98 müdafiə şirkəti IDEX-2025 sərgisində iştirak edəcək
Türkiyənin müdafiə sənayesinin gücü və qabaqcıl texnologiyaları dünyanın diqqətinə təqdim olunacaq.
Crossmedia.az xarici KİV-ə istinadən xəbər verir ki, IDEX-2025 sərgisində 98 türk müdafiə şirkəti iştirak edəcək. Tədbir 17-21 fevral tarixlərində Birləşmiş Ərəb Əmirliklərinin paytaxtı Əbu-Dabidə keçiriləcək.
Bu il sərgidə ASELSAN, HAVELSAN, ROKETSAN, TUSAŞ, FNSS, BMC, MKE, OTOKAR, CANIK, STM, ASFAT və digər innovativ kiçik və orta biznes müəssisələri iştirak edəcək. Sərgidə dəniz, quru, hava və elektron sistemlər sahəsində ən son texnologiyalar təqdim olunacaq.
Qeyd edək ki, IDEX dünyanın ən böyük müdafiə sənayesi sərgilərindən biri hesab olunur və qlobal müdafiə sektorunun aparıcı şirkətlərini bir araya gətirir.
13:35 17.02.2025
Oxunuş sayı: 3406
