Səudiyyə Ərəbistanı danışıqlarda vasitəçi rolu oynayacaq
Səudiyyə Ərəbistanı, fevralın 18-də keçiriləcək danışıqlarda yalnız Rusiya və ABŞ rəsmiləri üçün platforma yaratmaqla qalmayıb, həm də vasitəçi kimi çıxış etməyi planlaşdırır.
Crossmedia.az CNN-ə istinadən xəbər verir ki, Səudiyyə nümayəndə heyətinə ölkənin milli təhlükəsizlik müşaviri rəhbərlik edəcək. ABŞ tərəfini isə Dövlət katibi Marko Rubio, Prezident Donald Trampın milli təhlükəsizlik müşaviri Mayk Volts və Yaxın Şərq üzrə xüsusi nümayəndəsi Stiv Vitkoff təmsil edəcək. Məlumatda həmçinin qeyd olunub ki, Kiyev bu danışıqlarda təmsil olunmayacaq.
Səudiyyə Ərəbistanı, Tramp administrasiyasının xarici siyasətində mühüm rol oynayır. Xüsusilə, vəliəhd şahzadə Məhəmməd bin Salman, Rusiyada narkotik qaçaqmalçılığına görə həbs olunan ABŞ vətəndaşı Mark Foqelin azadlığa çıxarılmasına kömək edib.
09:07 17.02.2025
Oxunuş sayı: 6521
