Avropalı siyasətçilər təcili görüşdülər
Avropa İttifaqı rəsmiləri Münxen Təhlükəsizlik Konfransının yekunlaşmasından əvvəl təcili müzakirələr üçün toplanıb. Müzakirələr ABŞ vitse-prezidenti Cey Devid Vensin Avropa ilə yeni münasibətlər qurulması haqqında etdiyi çıxışın ardından təşkil olunub.
Crossmedia.az xəbər verir ki, bu barədə xarici media məlumat yayıb.
"Avropanın Ukraynanı dəstəkləməsi və öz müdafiəmizi gücləndirmə məsələsində birliyi qoruduğu bir müzakirə ilə Münxen Konfransını bitiririk. Tezliklə yeni təşəbbüslərlə çıxış edəcəyik", – Avropa İttifaqı xarici siyasətinin rəhbəri Kaja Kallas qeyd edib.
Görüşün mövzusu rəsmi olaraq açıqlanmasa da, təcili tədbirin Münxendəki hadisələrlə bağlı olduğu bəlli olub.
Fatimə Məmmədova
16:37 16.02.2025
Oxunuş sayı: 8736
