Rusiya və ABŞ rəsmiləri Ukraynadakı vəziyyəti müzakirə etdi
Rusiya Xarici İşlər naziri Sergey Lavrov və ABŞ-nin dövlət katibi Marko Rubio Ukraynadakı vəziyyəti və əvvəlki ABŞ administrasiyasının tətbiq etdiyi birtərəfli məhdudiyyətlərin aradan qaldırılmasını müzakirə ediblər.
Crossmedia.az xəbər verir ki, bu barədə xarici KİV məlumat yayıb.
Məlumata görə, ABŞ-nin təşəbbüsü ilə keçirilən telefon görüşündə tərəflər ikitərəfli münasibətlərdəki problemlərin həlli üçün əlaqələri davam etdirmək barədə razılığa gəliblər. Lakin konkret hansı məhdudiyyətlərin nəzərdə tutulduğu açıqlanmayıb.
ABŞ Dövlət Departamenti bildirib ki, Rubio söhbət zamanı Prezident Donald Trampın Ukrayna müharibəsinə son qoymaq istəyini bir daha vurğulayıb.
Qeyd edək ki, tərəflər, həmçinin digər ikitərəfli məsələlər üzrə əməkdaşlıq imkanlarını müzakirə ediblər.
Fatimə Məmmədova
12:10 16.02.2025
Oxunuş sayı: 7605
