Zelenskidən Trampa sərt mesaj: "Ukraynasız qərar qəbul edilməməlidir"
Ukrayna peridenti Vlodimir Zelenski Münxen Təhlükəsizlik Konfransında çıxış edərək, Rusiya ilə sülh danışıqlarını müzakirə edib.
Crossmedia.az xarici mətbuata istinadən xəbər verir ki, Zelenski Rusiya ilə sülh danışıqlarına başlamağa hazırlaşan ABŞ prezidenti Donald Trampa mesaj göndərib: "Diplomatiyaya gəlincə, eyni yanaşma lazımdır, sülh üçün birlikdə çalışmalıyıq.
Bizim iştirakımız olmadan arxamızdan bağlanan razılaşmaları heç vaxt qəbul etməyəcək. Eyni qayda bütün Avropaya şamildir. Ukraynanın razılığı olmadan ölkəmiz ilə bağlı qərar verilə bilməz",- o, qeyd edib.
Zelenski, Rusiya ilə bağlı kəşfiyyat məlumatlarından bəhs edərək, gələn ilin yayında Rusiyanın Belarus ərazisindən Ukraynaya müdaxilə edə biləcəyini qeyd edib və NATO-nun qərarlarının Rusiyanın şıltaqlıqları ilə əngəlləndiyini bildirib.
Prezident Avropada silahlı qüvvələrin qurulmasını önə çəkərək, Avropanın təhlükəsizliyini təmin etmək üçün vahid və güclü orduya ehtiyac olduğunu söyləyib.
Aybəniz Səfərova
21:29 15.02.2025
Oxunuş sayı: 7636
