Türkiyədə Trampın Qəzza planına etiraz aksiyası
Türkiyənin Mersin şəhərində QHT və vətəndaşlar Trampın Qəzza planına etiraz etdi.
Crossmedia.az türk mətbuatına istinadən xəbər verir ki, Mersində qeyri-hökumət təşkilatları (QHT) və vətəndaşlar, ABŞ prezidenti Donald Trampın Qəzza planına qarşı etiraz aksiyası keçirib.
Akdeniz rayonundakı Ulu Məscid qarşısında toplaşan iştirakçılar Fələstin bayraqları ilə İsrail əleyhinə şüarlar səsləndirib. Qəzzadakı soyqırım və İsrailin insan haqlarına qarşı törətdiyi vəhşiliklərə diqqət çəkilib.
QHT nümayəndəsi Şahin, ABŞ və Qərb dünyasının bu vəhşiliklərə qarşı səssiz qalmasını tənqid edərək, İsrailin işğalçı fəaliyyətlərinə dəstək verilən bu dövrün sona çatmasını tələb edib.
20:21 15.02.2025
Oxunuş sayı: 7154
