“Zelenski: ABŞ-ın dəstəyi olmadan Ukraynanın sağ qalması çətindir
Ukrayna prezidenti Volodimir Zelenski Münhen Təhlükəsizlik Konfransı çərçivəsində NBC telekanalına müsahibəsində bildirib ki, ABŞ-ın hərbi dəstəyi olmadan Ukraynanın sağ qalması çətin olacaq. O, Rusiyaya qarşı mübarizədə ABŞ-ın strateji tərəfdaşlığını vacib saydığını vurğulayıb.
Crossmedia.az xarici kiv-ə istinadən xəbər verir.
Zelenski əlavə edib ki, Rusiya prezidenti Vladimir Putin müharibəni bitirmək niyyətində deyil, sadəcə, ordusunu yenidən toparlamaq və bəzi sanksiyaların ləğv olunmasına nail olmaq üçün atəşkəs razılaşması əldə etmək istəyir.
Münhen sammitində ABŞ vitse-prezidenti J.D. Vens Avropa liderlərini “ABŞ dəyərlərini dəstəkləməməkdə” tənqid edib. Avropa İttifaqının Xarici Siyasət rəhbəri Kaja Kallas isə Vensin çıxışının ABŞ-Avropa münasibətlərində gərginlik yaratdığını bildirib.
Eyni zamanda, Tramp administrasiyasının Ukrayna ərazisi və NATO-ya üzvlük məsələsində Putinə güzəştlər təklif etməsi ehtimalı ekspertlər arasında narahatlıq doğurur. Bununla belə, Zelenski Trampın güclü lider olduğunu qeyd edərək, onun Ukraynanı dəstəkləyəcəyi təqdirdə Putinə təzyiq göstərə biləcəyinə inanır.
15:53 15.02.2025
Oxunuş sayı: 3257
