Almaniya Rza Pəhləvini Münhen Konfransına dəvət etməyib
İranın sonuncu şahının oğlu Rza Pəhləvi bildirib ki, Almaniya hökuməti onun Münhen Təhlükəsizlik Konfransına dəvətini ləğv edib.
Crossmedia.az xəbər verir ki, bu barədə “X” sosial şəbəkəsində paylaşım edərək, Almaniyanın İran rejiminin təzyiqləri altında bu qərarı verdiyini iddia edib.
“Münhen Təhlükəsizlik Konfransı İrandakı İslam rejiminin təhdidləri altında Almaniya hökumətinin göstərişi ilə iki həftə ərzində ikinci dəfə məni dəvətdən uzaqlaşdırdı. Ayətullah Berlində ipləri çəkir. Almaniya hökuməti yalnız İran xalqının səsini susdurmur, həm də İslam Respublikasının iradəsini fəal şəkildə həyata keçirir,” – deyə Pəhləvi bildirib.
O, həmçinin Almaniyanı azadlıq uğrunda mübarizə aparanları dəstəkləmək əvəzinə, İran rejiminin siyasətinə uyğun hərəkət etməkdə ittiham edib.
İranın müxalif mediasının məlumatına görə, Almaniya hökuməti Rza Pəhləvinin konfransa dəvət olunmasının İranda saxlanılan alman əsilli ikili vətəndaşların vəziyyətini təhlükə altına sala biləcəyindən narahatdır.
14:03 15.02.2025
Oxunuş sayı: 7128
