Salome Zurabişvili: "Gürcüstan hökuməti ölkəni Avropadan uzaqlaşdırır"
Münhen konfransında çıxış edən Gürcüstanın keçmiş prezidenti Salome Zurabişvili respublikada baş verən siyasi proseslərə toxunub.
Crossmedia.az xəbər verir ki, o, Gürcüstanın hazırkı hökumətini rusiyayönlü siyasət yürütməkdə və ölkəni Avropadan uzaqlaşdırmaqda ittiham edib. Zurabişvili hakimiyyəti “Putinin aləti olmaq istəyən” və Gürcüstanı Avropa yolundan döndərərək yenidən Rusiya istiqamətinə çəkməyə çalışan “oyuncaq hökumət” adlandırıb.
“Bu, çox təhlükəlidir, çünki əgər bu, Gürcüstanda baş verirsə və hazırda avropalı və amerikalı tərəfdaşlarımızdan kifayət qədər reaksiya görmürəmsə, o zaman bu, başqa yerlərdə də təkrarlana bilər”, – deyə Zurabişvili vurğulayıb.
13:10 15.02.2025
Oxunuş sayı: 3460
