Zelenski: Ukrayna üçün təhlükəsizlik zəmanətləri vacibdir
Münxen Təhlükəsizlik Konfransında ABŞ-nin vitse-prezidenti Ceyms Devid Vens ilə görüşən Ukrayna Prezidenti Volodimir Zelenski, Rusiya ilə sülh danışıqlarının yalnız ABŞ Prezidenti Donald Trampla razılaşma əldə olunduqdan sonra mümkün olacağını bildirib.
Crossmedia.az Euronews-a istinadən xəbər verir ki,o, Ukraynanın təhlükəsizlik zəmanətlərinə ehtiyac duyduğunu və Avropanın da sülh prosesində iştirakının vacib olduğunu vurğulayıb. Zelenski, ABŞ-nin güclü dəstəyinə ümid etdiyini və Trampın Ukraynanın tərəfində olmasını istədiyini qeyd edib.
Prezident həmçinin Rusiya ilə birbaşa danışıqların mənasız olduğunu və sülh razılaşmasının Münhendə imzalanmayacağını bildirib.
Məhəmməd Vəliyev
12:06 15.02.2025
Oxunuş sayı: 6788
