Ərdoğan: “Tramp verdiyi vədlərə əməl etməlidir”
Türkiyə Prezidenti Rəcəb Tayyib Ərdoğan ABŞ-nin Prezidenti Donald Trampın Qəzza zolağında davamlı sülh vəd etdiyini xatırladıb və ondan bu sözlərinə əməl etməsini gözlədiyini bildirib.
Crossmedia.az xarici KİV-ə istinadən xəbər verir ki, “Cənab Trampdan seçki kampaniyası zamanı verdiyi sözə əməl etməsini gözləyirik. O, yeni bir müharibəyə deyil, sülhün qurulmasına doğru addımlar atmalıdır,” – deyə Ərdoğan vurğulayıb.
Türkiyə lideri həmçinin Qəzza sakinlərinin məcburi köçürülməsi planının qəbuledilməz olduğunu bildirib.
“Fələstin xalqının Qəzzadan çıxarılması heç bir müsəlman ölkəsinin qəbul etməyəcəyi bir plandır. Bu, Qəzza və Fələstin xalqının hüquqlarını görməməzliyə vurur,” – deyə o əlavə edib.
Ərdoğan həmçinin ABŞ-nin dəstəyi ilə Qəzzada daha genişmiqyaslı hərbi əməliyyatların aparılmasının İsrail üçün ağır nəticələrə səbəb ola biləcəyini vurğulayıb.
09:31 15.02.2025
Oxunuş sayı: 7454
