Albaniyada Azərbaycanla bağlı kitab işıq üzü görüb
Albaniya Milli Akademiyasının xarici əlaqələr idarəsinin direktoru, tarix elmləri doktoru Dorian Koçinin müəllifliyi ilə “Azərbaycanda münaqişədən sonra yenidənqurma və bərpa işləri: siyasətçilər üçün araşdırma” adlı kitab nəşr olunub.
Kitabda münaqişənin tarixi, azad edilmiş ərazilərdə iqtisadiyyatın bərpası, investisiyalar və infrastrukturun yenidən qurulması strategiyaları, dövlət xidmətlərinin bərpa olunması, məcburi köçkünlərin doğma torpaqlarında məskunlaşması prosesi və reinteqrasiya siyasəti, azad edilmiş torpaqlarda minalardan təmizlənmə sahəsində çağırışlar və nailiyyətlər, mədəni və dini irsin bərpası, Qarabağdakı erməni icmasının inteqrasiyası üçün çağırış və perspektivlər, bu torpaqlarda yenidənqurma üçün Albaniyanın dəstəyi və mümkün töhfəsi və digər mövzular əksini tapıb.
Kitabın rəsmi və ictimai dairələr arasında yayılması, ayrıca təqdimatın keçirilməsi, ali təhsil ocaqları, beyin mərkəzləri və kitabxanalarda yerləşdirilməsi nəzərdə tutulur.(azərtac)
08:52 15.02.2025
Oxunuş sayı: 9758
