Xarici xəbərlər
19 yaşlı tələbə qətlə yetirilib
Tehran Universitetinin 19 yaşlı tələbəsi Əmirməhəmməd Xaleqi motosikletli iki şəxsin hücumuna məruz qalıb.
Crossmedia.az xarici KİV-ə istinadən xəbər verir ki, hadisə iki gün əvvəl tələbə yataqxanasına qayıdarkən baş verib.
Məlumata görə, cinayətkarlar gəncin çantasını oğurlamağa cəhd ediblər və onu sinəsindən bıçaqlayıblar. Ağır yaralanan tələbə xəstəxanaya aparılsa da, bu gün səhər dünyasını dəyişib.
Tehran Universitetinin tələbələri sosial şəbəkələrdə yataqxanaların təhlükəsizliyinin təmin olunmadığını bildirərək, bununla bağlı dəfələrlə etiraz aksiyaları keçirdiklərini vurğulayıblar.
07:46 15.02.2025
Oxunuş sayı: 7823
