Türkiyə "Meteor" və "Gökhan" raketləri ilə hava qüvvələrini gücləndirir
Türkiyə "Meteor" və "Gökhan" raketləri ilə bağlı açıqlama yayıb.
Crossmedia.az türk mətbuatına istinadən xəbər verir ki, Türkiyə Müdafiə Nazirliyi, "Meteor" raketlərinin inventarına daxil edilməsi prosesinin problemsiz davam etdiyini açıqlayıb.
Nazirlik, "Meteor" raketlərinin Avropa mənşəli, uzun mənzilli yeni nəsil hava raketləri olduğunu bildirib.
"Eurofighter Typhoon" təyyarəsi üçün nəzərdə tutulan bu raketlər Türkiyənin inventarına daxil ediləcək.
Eyni zamanda, Türkiyə Milli Müdafiə Nazirliyi yerli və milli silah sistemlərinin inkişafını prioritet saydığını vurğulayıb.
Nazirlik, "Meteor" raketinə bərabər olan yerli istehsal "Gökhan" hava raketinin də Hava Qüvvələrinin gücləndirilməsi üçün istifadə ediləcəyini qeyd edib.
00:39 15.02.2025
Oxunuş sayı: 9052
