Bir dövrün sonu: Avropa ABŞ-sız gələcəyə hazırlaşır
Avropa ABŞ-ın etibarlı müttəfiq olmadığı bir gələcəyə hazırlaşır
Crossmedia.az xəbər verir ki, bu barədə xarici KİV yazıb.
Bildirilib ki, Avropa müdafiə liderləri bu həftə ABŞ Prezidentin Donald Tramp administrasiyası ilə gərgin bir görüşə hazırlaşırlar.
Bildirilib ki, Tramp yanvar ayında vəzifəyə başladıqdan sonra Avropa ölkələri ilə münasibətlərə dair konkret siyasət ortaya qoymayıb. Bununla belə, NATO üzvlərinin müdafiə xərclərini kəskin artırmasını tələb edib, ABŞ ordusunun Avropadakı rolunu azaldıb, xarici yardımları dondurub, Qrenlandiyanı almaq təşəbbüsü irəli sürüb, Rusiyanı bir müzakirə tərəfdaşı kimi qəbul edib və Ukraynaya dəstəyi dayandırmaqla hədələyib.
Avropalı müttəfiqlər Vaşinqtonun qeyri-müəyyən siyasətlərinə öyrəşsələr də, bu administrasiya əvvəlkilərlə müqayisədə daha ekspansionist və aqressiv görünür.
"Oyun qaydaları dəyişib," – Kanadanın innovasiya, elm və sənaye naziri Fransua-Filipp Şampan bildirib.
Tramp ikinci dəfə prezidentliyə daha fərqli bir siyasi mövqedə gəlib. Birinci administrasiyası dövründə ABŞ rəsmiləri Avropanı öz müdafiəsinə daha çox diqqət ayırmağa inandırmağa çalışsalar da, ümumi xarici siyasət baxımından ziddiyyətli mesajlar verirdilər. Lakin son həftələr Ağ Ev, Vaşinqtonun yeni danışıqlar strategiyasının bir hissəsi kimi torpaq iddialarını və ya ticarət tariflərini təzyiq vasitəsi kimi istifadə etməkdən çəkinmədiyini göstərib.
"ABŞ-ın nə təklif edəcəyini bilmirik, ona görə də hamı Münhenə diqqət kəsilib," – Çexiyanın xarici işlər naziri Yan Lipavski deyib.
Avropa liderləri tədbirdə iştirak edəcək ABŞ-ın vitse-prezidenti Cey Di Vansı da diqqətlə izləyirlər.
Nabat Fərzəliyeva
22:28 14.02.2025
Oxunuş sayı: 4047
