Fidan: "Yaxın Şərqdə sülhüm təmin olunması üçün atəşkəs davamlı olmalıdır"
Türkiyənin xarici işlər naziri Hakan Fidan Münhen Təhlükəsizlik Konfransı çərçivəsində Böyük Britaniyanın xarici işlər naziri David Lammy, Almaniyanın xarici işlər naziri Annalena Baerbok və ABŞ dövlət katibi Marko Rubio ilə bir sıra mühüm görüşlər keçirib.
Crossmedia.az türk mətbuatına istinadən xəbər verir ki, görüşlərdə Suriya, Qəzza və Ukrayna-Rusiya müharibəsi müzakirə olunub. Fidan Suriyanın siyasi birliyinin qorunmasının və yeni administrasiyanın dəstəklənməsinin vacibliyini vurğulayıb. O, həmçinin Qəzzada atəşkəsin qalıcı olmasının bölgədə sabitliyə töhfə verəcəyini bildirib.
ABŞ dövlət katibi Marko Rubio ilə keçirilən görüşdə isə ticarət əlaqələri, müdafiə sənayesi və digər ikitərəfli məsələlər müzakirə mövzusu olub.
20:14 14.02.2025
Oxunuş sayı: 8353
