Gürcüstan Parlamentinin sədri USAID-i tənqid edir
Gürcüstan parlamentinin sədri Şalva Papuaşvili facebook sosial şəbəkəsində bildirib ki, bütün dünyada liberal mediaya USAID tərəfindən maliyyə dəstəyi ilə bağlı son qalmaqallar əslində bu beynəlxalq şəbəkənin təbliğatla məşğul olduğunu və mahiyyət etibarilə xarici hökumət tərəfindən maliyyələşdirilən media orqanı olduğunu göstərir.
Crossmedia.az xarici mediaya istinadən xəbər verir ki, Papuaşvilinin sözlərinə görə, ABŞ-nin yeni administrasiyası açıq şəkildə bildirib ki, xarici media qrantları əslində təbliğat şəbəkəsinə qoyulan investisiyalardır.
"ABŞ-nin yeni administrasiyası açıq şəkildə vurğuladı ki, xarici media qrantları yalnız bir tərəfin mövqeyini işıqlandıran təbliğat şəbəkəsinə qoyulan investisiyalardır – təkcə Gürcüstanda deyil, eləcə də ABŞ-nin özündə", – deyə Papuaşvili qeyd edib.
Nigar Yahyazadə
19:57 14.02.2025
Oxunuş sayı: 8291
