ABŞ vitse-prezidenti: Avropaya ən böyük təhdid daxildən gəlir
ABŞ-ın vitse-prezidenti JD Vans Münhen Təhlükəsizlik Konfransında çıxışı zamanı bildirib ki, Avropanın təhlükəsizliyinə əsas təhdid nə Rusiya, nə də Çindir.
Crossmedia.az xarici KİV-ə istinadən xəbər verir ki, Onun sözlərinə görə, bu təhlükə məhz qitənin daxilindən qaynaqlanır.
"Tramp administrasiyası Avropanın təhlükəsizliyinin vəziyyətindən çox narahatdır və ümid edirik ki, Rusiya və Ukrayna arasında rasional bir razılaşmaya nail ola bilərik", – deyə o vurğulayıb.
Vitse-prezident əlavə edib ki, Avropa qarşıdakı illərdə müdafiə xərclərini əhəmiyyətli dərəcədə artırmalıdır.
"Məni Avropa ilə bağlı ən çox narahat edən təhdid nə Rusiya, nə də Çindir, əksinə, Avropanın öz əsas dəyərlərindən uzaqlaşmasıdır. Bu dəyərlər ABŞ-ın da bölüşdüyü dəyərlərdir", – deyə o qeyd edib.
O, bəzi Avropa siyasətçilərinin bəyanatlarının "Amerikan qulağı üçün şok doğurduğunu" da vurğulayıb.
19:35 14.02.2025
Oxunuş sayı: 8440
