İsrail yaxın 6 ay ərzində İrana hücum edə bilər
İsrail yaxın aylarda İranın Fordo və Natanz nüvə obyektlərinə qabaqlayıcı hücum həyata keçirməklə Tehranın nüvə layihəsini bir neçə həftə, bəlkə də bir neçə ay gecikdirməyə cəhd göstərəcək.
Crossmedia.az xəbər verir ki, bu barədə “The Washington Post” qəzeti yazıb.
Bildirilib ki, bu addım Yaxın Şərqdə gərginliyi artıra və geniş regional münaqişə ehtimalını canlandıra bilər.
“2025-ci ilin ilk altı ayında İsrailin İranın Fordo və Nətənzdəki nüvə obyektlərinə #hücumu ehtimalının olduğu barədə xəbərdarlıq edilib. İsrailin İrana hücumu Tramp üçün ilk sınaqdır. Hazırda iki ssenari nəzərdən keçirilir. Birinci hücum varinatında İsrail İranın hava məkanından kənarda nüvə obyektlərinə ballistik raketlər atacaq. İkinci variant isə daha risklidir. Belə ki, İsrail qırıcıları İranın hava məkanına daxil olub, nüvə obyektləri üzərindən uçacaq və sığınacaq əleyhinə olan BLU-109 bombaları atacaq”, - deyə qəzet qeyd edib.
16:22 14.02.2025
Oxunuş sayı: 2549
