Tramp Ukrayna müharibəsi ilə bağlı üçtərəfli danışıqlar elan etdi
ABŞ Prezidenti Donald Tramp Ukrayna müharibəsinə son qoymaq məqsədilə ABŞ, Rusiya və Ukrayna rəsmilərinin cümə günü Münhendə keçiriləcək təhlükəsizlik konfransında görüşəcəyini açıqlayıb. Lakin Rusiya buna şərh verməyib, Ukrayna isə belə bir görüşün planlaşdırılmadığını bildirib.
Crossmedia.az BBC-yə istinadən xəbər verir ki, Tramp bu bəyanatı Rusiya prezidenti Vladimir Putin və Ukrayna lideri Volodimir Zelenski ilə telefon danışıqlarından sonra verib. Zelenski Ukraynanın iştirakı olmadan sülh razılaşmasına qarşı çıxıb.
Qeyd edək ki,Tramp administrasiyası Ukraynanın NATO-ya qoşulmasını real hesab etmir və müharibənin bitməsi üçün bəzi ərazilərin Rusiyaya güzəştə gedilməli olduğunu bildirir. ABŞ-ın gələcəkdə Ukraynaya hərbi dəstək verib-verməyəcəyi isə qeyri-müəyyən olaraq qalır.
Məhəmməd Vəliyev
13:00 14.02.2025
Oxunuş sayı: 7242
