Dövlət katibinin səfər etdiyi təyyarə geri qayıtdı
ABŞ Dövlət katibi Marko Rubionun Almaniyaya səfəri üçün havaya qalxan təyyarəsi texniki nasazlıq səbəbilə geri qayıdıb.
Crossmedia.az xarici KİV-ə istinadən xəbər verir ki, ABŞ Dövlət Departamentinin sözçüsü Tami Brüs bildirib ki, Vaşinqtondan Münxenə uçan təyyarədə mexaniki problem yaranıb. Təyyarə Merilend ştatındakı Joint Base Andrews Hərbi Hava Bazasına geri qayıdıb.
Məlumata görə, Rubio Almaniya və Yaxın Şərqə planlaşdırılan səfərlərini başqa bir hava nəqliyyatı ilə davam etdirəcək. Adının açıqlanmasını istəməyən bir rəsmi isə Boeing 757 C-32 tipli təyyarənin uçuşdan təxminən 90 dəqiqə sonra kokpit şüşəsi ilə bağlı texniki problem yaşadığını bildirib.
Fidan Hacızadə
08:52 14.02.2025
Oxunuş sayı: 5982
