Yaxın Şərqdə yeni reallıq: "Vəziyyət yaxın günlərdə dəyişə bilər"
İran və İsrail arasında gərginlik artır: Hərbi qarşıdurma ehtimalı nə qədər realdır?
Son günlər İran və İsrail arasında gərginlik daha da yüksəlib. İran prezidenti Məsud Pezeşkian ABŞ-nin İsraili İrana qarşı silahlı təcavüzə təhrik etdiyini iddia edib. O, Vaşinqtonun İsrailin Qəzzaya hücum etdiyi kimi, İrana da hücum etməsini istədiyini bildirib.
Bəs, İran-İsrail qarşıdurması nə qədər realdır? Müharibə ehtimalı varmı? Mövzu ilə bağlı politoloq Sədrəddin Soltan Crossmedia.az-a danışan politoloq
Sədrəddin Soltan İranla İsrail arasında birbaşa sərhəd olmadığına görə , onların quru qoşunları ilə bir-birinə qarşı müharibə aparmasının real görünmədiyini bildirib.
"İran İsrail ərazisinə raket hücumları edə bilər. Digər tərəfdən, əvvəllər Livandakı Hizbullah və Qəzza zolağındakı HƏMAS qruplaşmaları vasitəsilə İsrailə hücumlar təşkil edirdi. İndi isə İran bu proksi qüvvələrindən məhrum olub. Bu səbəbdən, Tehranın yeganə addımı İsrailə raket zərbələri endirmək ola bilər".
S.Sədrəddinin sözlərinə görə , hazırkı şəraitdə İsrailin İran ərazilərinə hücum edəcəyi ehtimalı, demək olar ki, yoxdur: "Çünki ABŞ İranla diplomatik danışıqları təşviq edir. Belə bir vəziyyətdə İsrailin İrana hücum etməsi dinc proseslərə mane ola bilər".
Politoloq, həmçinin bu siyasətin Türkiyəyə təsiri olub-olmamasından da danışdı:
"Türkiyənin xarici siyasəti müstəqildir və nə İranın İsrailə münasibəti, nə də ABŞ-nin regional siyasəti ilə birbaşa bağlıdır. Ankara öz maraqlarına uyğun hərəkət edir və bu məsələdə tərəf deyil. Hazırda İran-İsrail münasibətləri kritik həddədir, lakin açıq müharibə ehtimalı hələ də aşağı qiymətləndirilir. Regiondakı vəziyyət isə yaxın günlərdə dəyişə bilər".
Fatimə Məmmədova
15:57 13.02.2025
Oxunuş sayı: 4314
