İran yeni dronlarını təqdim etdi
İranın müdafiə sənayesi sərgisində iki yeni kamikadze dronu nümayiş etdirilib. Belə ki, bu döyüş sistemləri düşmən hədəflərini vurmaq üçün hazırlanıb və İranın hərbi texnologiyalar sahəsində irəliləyişini göstərir.
Crossmedia.az xəbər verir ki, bu barədə xarici KİV yazıb.
Hadid 110 – reaktiv mühərrikli kiçik ölçülü kamikadze dronudur. O, start mühərriki vasitəsilə buraxılır və havada patrul edərək düşmən hədəflərini müəyyən edib məhv etməyə yönəldilib.
Xarici görünüşünə görə, bu dron İran İnqilab Keşikçiləri Korpusunun (SEPAH) ilin əvvəlində keçirdiyi təlimlərdə təqdim edilən Rezvan kamikadze dronuna bənzəyir. Onun sualtı əməliyyatlarda istifadəsi nəzərdə tutulur.
Qeyd edək ki, yeniliklər İranın hərbi imkanlarını artırmaq və müdafiə sənayesində innovativ texnologiyalar inkişaf etdirmək istiqamətində atdığı addımları əks etdirir.
Xumar Əhmədova
11:31 13.02.2025
Oxunuş sayı: 2938
