ABŞ: İsrail İranın nüvə obyektlərinə zərbə endirə bilər
ABŞ kəşfiyyatı İsrailin 2025-ci ildə İranın nüvə obyektlərinə mümkün hücumunu nəzərdən keçirdiyini müəyyən edib. Bu məlumat ABŞ-nin sabiq Prezidenti Cozef Baydenin səlahiyyət müddətinin son günlərində ortaya çıxıb.
Crossmedia.az xəbər verir ki, bu barədə xarici KİV məlumat yayıb. Məlumata görə, İsrail ABŞ-nin hərbi əməliyyata dəstək verəcəyinə ümid edir və ABŞ Prezidenti Donald Trampın administrasiyasının bu plana daha meyilli olacağını düşünür.
Qeyd edək ki, İsrailin müdafiə naziri Yoav Kaats İranın hücumlara qarşı həssas olduğunu vurğulasa da, Vaşinqton diplomatik həll yollarına üstünlük verməkdə davam edir.
Fatimə Məmmədova
10:02 13.02.2025
Oxunuş sayı: 10786
